මීටර් 800 කාන්තා ඉසව්වේ නව ශ්‍රී ලංකා වාර්තාව පිහිටුවීමට ඩිල්ෂි කුමාරසිංහ අද (09) දින සමත් වූවාය.

ජාතික මලල ක්‍රීඩා තේරීම් තරගාවලියේ දී සිය තරග ඉසව්ව විනාඩි 2.02.52 නිමා කරමින් නව ශ්‍රී ලංකා වාර්තාව පිහිටුවීමට ඇය සමත්වී තිබේ.

මෙයට පෙර ජාතික වාර්තාව විනාඩි 2.02.55 ලෙස පැවතිණි. නිමාලි ලියනආරච්චි ඩිල්ෂිට දෙවැනි වූ අතර ඇය වාර්තා කළ කාලය විනාඩි 2.03.15 කි.

මෙම තරගකාරීත්වය තුළ ඉදිරියේ දී මෙම ඉසව්වේ වාර්තාව විනාඩි දෙක සීමාවෙන් මෙපිටට පැමිණෙනු ඇතැයි ක්‍රීඩා විශ්ලේශකයෝ අදහස් දක්වති.