පාදුක්ක සංවර්ධන කමිටු රැස්වීමේ සභාපති පාර්ලිමේන්තු මන්ත්‍රී ජගත් කුමාර මහතා සහ සීතාවක ප්රාදේශීය සභා මන්ත‍්‍රීවරුන් අතර බහින් බස්වීමක් හේතුවෙන් ඔහු නැගිට යාමේදී රථයට බිත්තර ප්‍රහාරයක් එල්ල වී තිබේ.
පාදුක්ක ප්රාදේශීය ලේකම් කාර්යාල ශ‍්‍රවණාගාරයේ දී රැස්වීම පැවැත්වුණේ ජගත් කුමාර සහ උප සභාපති නීතිඥ රවීන්ද්‍ර ජයසිංහ යන මහත්වරුන්ගේ ප‍්‍රධානත්වයෙනි.
එහිදී පාදුක්ක සංවර්ධන කමිටු රැස්වීම ආසන සංවිධායකවරයා, මහජන නියෝජිතයින් හෝ රාජ්‍ය නිලධාරීන් නොමැතිව සභාපතිවරයා විසින් ඒකාධිපති ගමනක් යන බව පවසමින් සීතාවක ප්රාදේශීය සභා මන්ත‍්‍රීවරුන් විසින් චෝදනා එල්ල කර තිබේ.
එහිදී මන්ත්‍රී ජගත් කුමාර ‘මට ඕනෑ හැටියට තමා කරන්නේ’යනුවෙන් පැවසීමත් සමග උණුසුම් තත්ත්වයක් ඇතිවිය.
පසුව කමිටුවේ වැඩකටයුතු අතරමඟ නවතා පොලිස් ආරක්ෂාව මධ්‍යයේ සභාපතිවරයා ඉන් පිටව ගොස් තිබේ.
එහිදී සීතාවක ප්රාදේශීය සභා මන්ත්‍රීවරු හූ කියමින් සභාපතිවරයාට විරෝධය දක්වා ඇත.
