ඇසල පෙරහරේ ශ්‍රී දළදා වහන්සේ රැගත් කරඬුව ඇතුළු ප්‍රධාන පෙරහර මංගල්‍ය රැසක සදාතුක කරඬු වැඩම වූ සැමගේ ගරු බුහුමන් වලට ප්‍රාප්ත වූ නැදුන් ගමුවේ රාජා හස්තියා අද උදෑසන මිය ගොස් ඇත.
මිය යන විට රාජාගේ වයස අවුරුදු 69 කි.
1953 වසරෙහිදී පමණ මයිසූරයෙහි උපන් ඉන්දියානු දළ ඇතෙක්වන රාජා ජාතික උරුමයක් ලෙස නම්කර සිටියේය.
රාජා ඇතුළු ඇත් පැටවුන් දෙදෙනෙක්
ඉන්දියාවේ මයිසූර් මහරාජාගේ ඥාතියෙකුගේ නිදන්ගත රෝගයක් සුවපත් කිරීම හේතුවෙන් ත්‍යාගයක් ලෙස මහරාජාගෙන් පිළියන්දල නීලම්මහර විහාරස්ථානයේ වැඩවාසය කළ දේශීය වෙදැදුරු ස්වාමීන් වහන්සේ නමකට පූජා කෙරුණු ඇත් පැටවුන් දෙදෙනෙකුගෙන් එක් ඇත්පැටවෙක් ලෙස සැළකෙන්නේ නැඳුන්ගමුවේ රාජාය. අනිත් ඇත්පැටවා වන්නේ ගංඟාරාම විහාරස්ථානයේ සිටි නවම් රාජාය.