ඩොලර් හිඟයත් සමඟ මේ වන විට රට මුහුණ දී ඇති ආර්බුදයෙන් ආර්ථිකය කඩා වැටීම වලක්වා ගැනීමට සතියේ වැඩකරන දින ගණන හතරක් දක්වා අඩුකිරීම ඇතුළු යෝජනාවලියක් ශ්‍රී ලංකා මහ බැංකු අධිපති අජිත් නිවාඩ් කබ්රාල් මහතා රජයට ඉදිරිපත්කර තිබේ.
සතියේ දින ගණන අඩු කිරීමට ඔහු යෝජනාකරනුයේ එම වැඩකරන දිනවල වැඩකරන කාලය දීර්ඝ කිරීමෙනි. උදෑසන 7.30 ට ආයතනවල වැඩ ආරම්භකර සවස 5.30 ට අවසන් කිරීමට එමගින් යෝජනාකර තිබේ.
පෞද්ගලික වාහන භාවිතය අධෛර්යමත්කරමින් පොදු ප්‍රවාහනයට යොමුකිරීමද මහ බැංකු අධිපතිවරයා ඉන්ධන අර්බුදයට විසදුමක් ලෙස යෝජනාකර ඇත. එසේම මාධ්‍ය මඟින් ඉන්ධන අරපිරිමැස්මෙන් පරිහරණය කිරීම සම්බන්ධයෙන් දැනුවත් කිරීමටද යෝජනාකර තිබේ.
එසේම ලංකා ඛනිජ තෙල් සංස්ථාවේ පාඩුව අවම කර ගැනීම වෙනුවෙන් ඉන්ධන මිල සැලකියයුතු ගණනකින් වැඩි කිරීමටද මෙම යෝජනාවේ අන්තර්ගතය.
