මහා කන්නයේ අස්වැන්නෙන් වී මෙට්‍රික් ටොන් 60,000 ක් පමණ මේ වන
විට රජය විසින් මිලදී ගෙන ඇතැයි කෘෂිකර්ම අමාත්‍ය මහින්දානන්ද
අලුත්ගමගේ මහතා සදහන් කරයි.
වී කිලෝග්‍රෑමයක් රුපියල් 56 යි ශත 50 බැගින් රජය විසින් මේ වන විටත්
ගොවීන්ගෙන් මිලදී ගනිමින් ඇතැයිද ඇමතිවරයා කීය.
අමාත්‍යාංශයේ අරමුණ වී ඇත්තේ වී අලෙවි මණ්ඩලය හරහා මෙට්‍රික්
ටොන් ලක්ෂ 03 ක වී සංචිතයක් පවත්වාගෙන යමින් හාල් මිලෙහි
පාලනයක් ඇති කිරීමය.
මෙවර මහා කන්නයේ අපේක්ෂිත වී අස්වැන්න සදහන් වන්නේ මෙට්‍රික්
ටොන් ලක්ෂ 28 ක් ලෙසිණි. මේ වන විට පුද්ගලික අංශය විසින් තරගකාරී
මිලකට ගොවීන්ගෙන් වී මිලදී ගනිමින් සිටී.