මහජන ආරක්ෂක අමාත්‍ය ආචාර්ය සරත් වීරසේකර මහතාටත් කොවිඩ් වෛරසය ආසාදනය වී තිබේ.
කොවිඩ් රෝග ලක්ෂණ පෙන්නුම් කිරීම හේතුවෙන් ඊයේ පෙරවරුවේ නාරාහේන්පිට පිහිටි පොලිස් රෝහලට පැමිණි අමාත්‍යවරයා එහිදී රැපිඩ් ඇන්ටිජන් පරීක්ෂාවක් කර ඇති අතර එහි ප්‍රතිඵලයට අනුව කොවිඩ් රෝගියෙක් නොවන බව තහවුරු වී ඇති බව රෝහල් තොරතුරු අනාවරණය කළේය.
පොලිස් රෝහලේ වෛද්‍යවරයෙක් ලෙස අමාත්‍යවරයාගේ පුතා සේවය කරන බැවින් ඔහුගේ නිර්දේශමත පී.සී.ආර්. පරීක්ෂාවක්ද පසුව කර ඇති අතර එහි ප්‍රතිඵලයට අනුව අමාත්‍යවරයා කොවිඩ් වෙරසය ආසාදිතයෙක් බවට තහවුරු වී ඇත.
මේ වන විට පොලිස් රෝහලේ නේවාසිකව සිටින අමාත්‍යනවරයා අද දිනය තුළ අයි.ඩී.එච්. හෝ කොතලාවල ආරක්ෂක විශ්ව විද්‍යාල රෝහලට ඇතුළත් කිරීමට නියමිතව තිබේ.