ජනාධිපති ගෝඨාභය රාජපක්ෂ මහතා සහ ලංකා විදුලිබල මණ්ඩලයේ ඉංජිනේරු සංගමය අතර විශේෂ සාකච්ඡාවක් හෙට පස්වරුවේ කොළඹ දී පැවැත්වේ.
ජනාධිපතිවරයා හා ඉංජිනේරු සංගමයේ එම සාකච්ඡාව කොළඹ ජනාධිපති කාර්යාලයේ දී හෙට පස්වරු 2ට පමණ පැවැත්වෙන බවද ඉංජිනේරු සංගමයේ ප්‍රකාශකයෙකු පැවසීය.
යුගදනවි බලාගාරයේ කොටස් ඇමෙරිකානු සමාගමකට විකිණීමට එරෙහිව එහිදී ඉංජිනේරු සංගමය ජනාධිපතිවරයාට කරුණු දක්වන බවද සඳහන් කළේය.
යුගදනවි බලාගාරයේ කොටස් අයිතිය විකිණීමට එරෙහිව ලංවිම ඉංජිනේරු සංගමය ඉකුත් සතියේ අකුරට වැඩ කිරීමේ වෘත්තිය සමිති ක්‍රියාමාර්ගයක් දියත් කළ අතර ජනාධිපතිවරයා සමඟ සාකච්ඡාවක් ලබා දෙන බවට පොරොන්දු වීම හේතුවෙන් ඉකුත් සිකුරාදා සිට එම ක්‍රියාමාර්ගය තාවකාලිකව නතර කළේය .
