පසුගියදා පාකිස්තානයේ සියල්කොට් ප්රදේශයේ දී අන්තවාදීන් විසින් ඝාතනය කරනු ලැබූ දියවඩනගේ දොන් නන්දසිරි ප්රියන්ත කුමාර මහතාගේ දේහයේ අවශේෂ හෙට (6) වැනිදා රජයේ වියදමින් ශ්රී ලංකන් ගුවන් සේවය මගින් මෙරටට ගෙන්වන බව විදේශ අමාත්යංශය නිවේදනය කර ඇත.
ඒ අනුව එම අවශේෂ කොටස් මියගිය ප්රියන්තගේ ළඟම ඥාතීන් විසින් බණ්ඩාරනායක ජාත්යන්තර ගුවන් තොටුපොළේ දී භාරගැනීමට නියමිතව තිබේ.
ඉස්ලාමාබාද් හි ශ්රී ලංකා මහ කොමසාරිස් කාර්යාලය ප්රියන්ත කුමාර මහතාගේ ඝාතනය සම්බන්ධයෙන් පාකිස්තානයේ විදේශ කටයුතු අමාත්යංශය වෙතින් විමර්ශන වාර්තාවක් ඉල්ලා ඇත.
විපතට පත්වූ පාර්ශ්වයට වන්දි ගෙවීම සඳහා, ඉස්ලාමාබාද් හි ශ්රී ලංකා මහ කොමසාරිස් කාර්යාලය විදේශ අමාත්යංශය සමඟ සම්බන්ධීකරණයෙන්, පාකිස්තාන බලධාරීන් සහ මියගිය පුද්ගලයාගේ සේවායෝජකයා සමඟ මේ වන විට සාකච්ඡාවල නිරතව සිටින බවද විදේශ අමාත්යංශය නිකුත් කළ නිවේදනය සදහන් වේ.