සමාගම් තුනකින්‌ ආනයනය කරන ලද සැක සහිත ආනයනික පොල්තෙල් සාම්පල්‌ සියල්ලේම ඇෆ්ලටොක්සීන්‌ නම්‌
පිළිකාකාරකය අන්තර්ගතවී ඇතැයි තහවුරු වී තිබේ.
ඒ අනුව අදාළ පිළිකා කාරක අඩංගු පොල්තෙල් සහිත බහාලුම්‌ සියල්ල වහාම යළ හරවා යැවීමට තීරණය කළ බව පාරිභෝගික ආරක්ෂණය පිළිබඳ රාජ්‍ය අමාත්‍ය ලසන්ත අලගියවන්න සඳහන්‌ කරයි.
පොල්තෙල් සාම්පල්‌ පරික්ෂා කිරීමෙන්‌ අනතුරුව ශ්‍රී ලංකා ප්‍රමිති ආයතනය රේගු
දෙපාර්තමේන්තුව වෙත අද (29)
පෙරවරුවේ ලබාදුන්‌ වාර්තාව ඔස්සේ මේ බව අනාවරණය කර ඇත.
ආනයනික පොල්තෙල් බහාලුම්‌ 13ක ඇෆ්ලටොක්සීන්‌ නම්‌ පිළිකාකාරකය අඩංගු බවට සෞඛ්‍ය අමාත්‍යාංශයේ ආහාර ආරක්ෂණ ඒකකය මගින් අනාවරණය වූයේ පසුගිය හතරවනදාය.
ඒ අනුව අදාළ සාම්පල ප්‍රතිඅපනයන කිරීමට එම ඒකකය නිර්දේශ කර තිබී ඇත.
පසුව ශ්‍රී ලංකා ප්‍රමිති ආයතනය ප්‍රශ්නගත පොල්‌ තෙල්‌ සම්බන්ධයෙන්‌ ප්‍රමිති ආයතනය පරීක්ෂණයක්‌ ආරම්භ කළේය.
එහි අවසන්‌ වාර්තාව නිකුත්‌ වන තුරු සැක සහිත පොල්තෙල් තොග ගුදම්වල බහා තැබීමට පියවර ගැනුණි.
