ඉන්දියාවේ බෝපාල් හී රෝහලක ඇති වූ ගින්නකින් බිලින්දන් සිව් දෙනෙකු මරණයට පත්ව ඇත.
ඊයේ (8) රාත්‍රීයේ බිලින්දන් රඳවා සිටි වාට්ට්වේ හදිසියේම ළගින්න හටගෙන ඇති අතර ඒත් සමගම රෝහල දුමින් වැසී ගිය බව ඇසින් දුටුවන් ප්‍රකාශ කර තිබේ.
ගින්න පැතිරීමත් සමඟම බිලින්දන් 36 දෙනෙකුගේ දිවි ගලවා ගැනීමට ගිනි නිවන භටයන් සමත්ව ඇත.
ගින්නට හේතුවක් මේවන තෙක් අනාවරණය වී නොමැති බව එරට වාර්තා සඳහන් කරයි.
සිද්ධිය සම්බන්ධයෙන් මධ්‍ය ප්‍රදේශ් ප්‍රධාන අමාත්‍යවරයා සිය කණගාටුව පළකර ඇති අතර අගතියට පත්වූවන්ට ඉන්දීය රුපියල් ලක්ෂ හතරක වන්දි මුදලක් ගෙවීමටද උපදෙස් දී තිබේ.
මීට දින කීපයකට පෙරද ඉන්දියාවේ කොරෝනා ආසාදිතයින්ට ප්‍රතිකාර කළ රෝහල් වාට්ටුවක ගින්නකින් ආසාදිතයින් දස දෙනෙකු මරණයට පත්විය.