තලාව ප්‍රාදේශීය සභා සභාපති ඇතුළු 28 දෙනෙකුට කොවිඩ්-19 වෛරසය ආසාදනය වීම හේතුවෙන් සභාවේ කටයුතු තාවකාලිකව නතර කර තිබේ.
තලාව සෞඛ්‍ය වෛද්‍ය නිළධාරී කාර්යාලය පවසන්නේ තලාව ප්‍රාදේශීය සභාවේ සභාපති, උපසභාපති, මන්ත්‍රිවරුන් 8 දෙනෙකු, ලේකම්වරයා ,ප්‍රධාන සහකාර කළමණාකාරවරිය හා සභාපතිවරයාගේ රියදුරා සහ කාර්ය මණ්ඩලයේ අය ඊට අයත් බවයි.
කාර්යාලයේ කාර්ය මණ්ඩලය සමග සෘජුව සම්බන්ධතාවයක් නොපවත්වන අනෙක් සේවකයන්ද අහඹු පරීක්ෂණයට භාජනය කළ අවස්ථාවේදී ඉන් එක් අයකු ද මෙම රෝගයට ගොදුරු වී ඇති බව හදුනාගෙන ඇත.
මේවන විට තලාව, මොරගොඩ, එප්පාවල, කටියාව, කැළේ සියඹලෑව, ඇදගල, නල්ලමුදාව ,තඹුත්තේගම ආදී ප්‍රදේශවල පවුල් 60ක සමාජීකයන් 130ක් පමණ ස්වයං නිරෝධායනයට ලක්කර ඇත.
මෙයට අමතර මෙම කාර්යාලයේ සේවය කරන ගල්ගමුව, නාච්චාදුව, යනාදි ප්‍රදේශවල පදිංචිකරුවන් සම්බන්ධයෙන් අදාළ සෞඛ්‍ය වෛද්‍ය නිළධාරීන් දැනුවත් කර ඇත.
