කනවා නම් දැනගතම යුතු පොල් තෙල් ජාවාරම

වෙළඳ පොළේ තිබෙන පොල් තෙල්වල ෆාම් ඔයිල් කවලම්ව ඇතැයි කතාබහක් ඇතිවූයේ අද ඊයේ නොවේ. ඇතමෙක් ෆාම් ඔයිල් යැයි නොදැනද ඇතමෙක් දැන දැනම ද මේවා පරිභෝජනය කළහ.

අලුත්ම කතාව ඇත්තේ එම සංවාදයේ නොව රේගුවෙන් ප්‍රති අපනයන නියෝග දී තිබෙන ඇෆලටොක්සීන් අඩංගු පොල් තෙල් තොගය ගැනය. ඇතමෙක් කියන්නේ මෙම පොල්තෙල් තොගයෙන් යම් ප්‍රමාණයක් හොර පාරෙන් ගමේ සිල්ලර කඩේටත් පැමිණ ඇති බවයි.

දේශපාලන වේදිකාවේ කියැවෙන මෙම කතා නිසා මිනිස්සු බියට පත්වී සිටිති. මෙහි සැඟවුණු ඇත්ත පිළිබඳ රේගු හිටපු අධ්‍යක්ෂ පරාක්‍රම බස්නායක මහතා සිය මුහුණු පොතේ සටහනක් තැබුවේය.

Newswave.lk වෙත මේ පළවන ලිපිය පිළිකා කාරක පොල්තෙල් තොගය ගැන ඇතැම් තොරතුරු ගෙනහැරපායි.

වසර ගනනාවක සිට පොල්තෙල්වල මෙම විෂ සංඝටක ඇතැයි යන සංකල්පය ජන විඥානය තුලට කාවැද්දීමට බොහෝ ආයතන පුද්ගලයන් වෙර දරන අයුරැ අප විවෘත ආර්ථිකය හදුන්වා දුන් වකවානුවේ සිටම දුටුවෙමු. එදා කිසිදු නියාමනයකයට ලක් නොකර චාරයක් විචාරයක් නොමැතිව ආර්ථිකය විවෘත කිරීම අද මෙවන් බරපතල පල විපාක ගෙන දෙන සංසිද්ධීන් ඇතිවීමට හේතු භූත වී ඇත.

විවෘත ආර්ථිකය නිසා ආනයන කරැවන් අධික ලාබ ලැබීම අරමුණු කරගෙන තත්වයෙන් බාල ප්‍රමිතිගත නොවූ ආහාර වර්ග සුලබව ගෙන ආ බව නොරහසකි.

මෙය පසුගිය වකවානුවලත් නොකඩවාම සිදුවිය. සත්‍ය වශයෙන්ම පොල් තෙල් සමිබන්ධයෙන් මෙම තත්වය දරැණු වූයේ පසුගිය රජය විසින්, 2016 දී ෆාමි ඔයිල්, පොල් තෙල් සමග කවලමි කිරීමට නීත්‍යානූකූල අවසරයක් දීමෙන් පසුවය.

මෙම කතාව ඇරඹෙන්නේ වර්තමාන රජය නිසි නියාමන කටයුතු ඇරඹීම නිසාය. එය ඉතා හොද දෙයකි. ජනතාවට දිය යුත්තේ පිරිපහදු කරන ලද පොල්තෙල් පමනී. අපි බලමු මොවුන් ගෙවන බදු ප්‍රමාණ ගැන.

පිරිපහදු නොකරන ලද බොර පොල්තෙල් ,Crude coconut oil සදහා මෙට්‍රික් ටොන් එකකට රැපියල් 125000 ක් ආනයනික බද්දක් ගෙවිය යුතුය. ෆාමි ඔයිල් සදහා 250000 ක බද්දක් ගෙවිය යුතුය.

ලංකාවට, පිලිපීනය, මැලේසියාව සහ ඉන්දුනීසියාව වැනි රටවලින් මෙිවා ගෙන්වයි..ලංකාවෙි සාමාන්‍ය පරිභෝජනය මෙ ටො 180000 පමනවෙි. දේශීයව නිපදවන්නේ මෙටො 20000 ක් පමනි. ඉතිරිය ආනයනය කල යුතුය. සත්‍ය සිදුවීම බලමු.

පසුගිය දිනෙක ශ්‍රී ලංකාවට ආනයනය කරන ලද පිරිපහදු නොකරන ලද බොර පොල්තෙල් ටොන් 185.5 සහිත කන්ටෙිනර් 13 ක තිබී ශරීරයට අහිතකර පිලිකාකාරක Aflatoxin පිලිබදව වරායේ පිහිටි සෞඛ්‍ය අමාත්‍යාංශයට අනුබද්ධ ආහාර පරීක්ෂණ ඒකකය විසින් Port food and health unit.දෛනික පරීක්ෂාවකින් පසුව වාර්තා කෙරැනි.ඒ බව ශ්‍රී ලංකා රේගුවට සහ ප්‍රමිති කාර්යාංශයට වාර්තා කිරීමට ඔවුන් කටයුතු කල අතර මෙම කන්ටෙිනර් ප්‍රති අපනයන කරන ලෙස රේගුවට දන්වා තිබේ.

අදාල කන්ටෙිනර් වල සාමිපල ITI සහ SLS සදහාද නිකුත් කරන බැවින්. ඒවායේ වාර්තාද ලැබෙන තෙක් අදාල ආනයනකරැවන්ගේ ගුදමිවලට එම තොග නිකුත් කරන්නේ Removal Application තාවකාලිකව රදවාතබා ගැනීමක් යටතේය. එය කිසිසේත්ම භාණ්ඩ නිදහස් කිරීමක් නොව රේගු අධීක්ෂණය යටතේ ප්‍රති අපනයනය කරන තෙක් රදවන රේගු පටිපාටියයි.

මෙහිදී එකදු තෙල් බිදක් හෝ වෙළද පොලට නිකුත් වීමක් සිදුනොවේ.නිකුත් වීද නැත.

එසේනමි දඹුල්ලෙන් අසුවූයේ කුමක්ද?

පාරිභෝගික අධිකාරිය විසින් වරින් වර කරන පරීක්ෂාවන්ට අසුවුන දඹුල්ලේ එක් භුගත ටංකියක් සහ ඉහලින් පිහිටවු ටංකියක් සීල් තබා ඇත. එයට හේතුව වන්නේ ඒවායේ ෆාමි ඔයිල් පොල් තෙල් හා මිශ්‍ර කිරීමක් සහ කෘමීන්, කැරපොත්තන් තෙල් හා මිශ්‍ර වීමත්. තෙවනුව එම ටැංකිවල අපවිත්‍රතාව නිසා මිසක Aflatoxin වාර්තාවීමක් නිසා නොවේය.

විපක්ෂය තොරතුරැ නොදැන කෑ ගසන්නේ මේ ව්‍යසනයට මූලිකව වගකිවයුත්තේ ඔවුන්ම බව දැනදැනමය. ඔවුන්ගේ පැටිකිරිය දැනගැනීමට මම එක් උදාහරණයක් පමනක් දැනට දෙන්නමි.අවශ්‍ය වුවහොත් විස්තරාත්මකව හෙලි කරන්නෙමු.

2016 දී මා වරායේ රේගු නියෝජ්‍ය අධ්‍යක්ෂක වරයා වශයෙන් සිටියදී මාගේ විමර්ෂණ ඒකකයේ සිටි එක් විශිෂ්ඨ නිලධාරියෙකු විසින් විශේෂ වැටලීමකට අවසර ඉල්ලා සිටි අතර මා එවකට එම ඒකකයේ ප්‍රධානී රේගු අධිකාරී සුදත් සිල්වා මහතා සමග සාකචිඦා කොට අවශ්‍ය අවසරය ලබාදුනිමි.

සුදත් සිල්වා ඇතුළු එම විමර්ශන කණ්ඩායම අත් අඩංගුවට ගත්තේ මැලේසියාවෙි සිට ගෙන්වූ fatty acid 16% වඩා ඇති ෆාමි ඔයිල් කන්ටෙිනර් 24 කි.

මේවායේ පිරිපහදු නොකල මෙ ටො 480 ක් විය. එය ලීටර 533300 ක් පමන වෙළද පොලට නිකුත් කල හැකි තොගයකි. එම රේගු අධිකාරිවරයා සහ අනෙකුත් රේගු නිළධාරීන් ඉතා දක්ෂ ලෙස එම පරීක්ෂණය නිමකර එම කන්ටෙිනර් මනුෂ්‍ය පරිභෝජනයට නුසුදුසු බැවින් සියළුම පරීක්ෂණ වාර්තා ලැබෙන තෙක් වරායේම රදවා ගත් අතර. එයට එකග නොවූ ආනයනකරැ අභියාචනාධිකරනයේ නඩුවක් ගොනු කලේය. CA/Writs/158/2016 ඒ 2017 පෙබ 06 දිනය. මෙම නඩුව අධිකරනයෙන් ප්‍රතික්ෂේප වූ බව පරාක්‍රම බස්නායක මහතාගේ පැහැදිලි කිරීමේ සඳහන්ය.

ලිපියේ බස්නායක මහතා දක්වන අදහස්වලට නියෝජ්‍ය රේගු අධ්‍යක්ෂ සුදත් ද සිල්වා මහතා ද ප්‍රතිචාර දක්වා තිබේ.

ප්‍රස්තුත කතාව තුල ලියැවුනු පාම් ඔයිල් කන්ටේනර් 24 නවතා විමර්ශනය කළේ මමයි. ඒ කන්ටේනර් 24 තවමත් රේගුවේ තිබෙනවා. ඔබලා CA/Writ/158/2016 නඩු තීන්දුව වෙබ් එකෙන් අරන් කියවන්න. ජාවාරම් කරුවන් ලාභය උදෙසා කටයුතු කර තිබෙන හැටි පෙනේවි.

අඩු තීරු ගාස්තුවක් ගෙවීම සදහා මලයාසියාවේ අපනයනකරු හරහා අපද්‍රව්‍ය කළවම් කොට crude palm fatty acid නමින් ව්‍යාජ නාමයක් දී පාම්තෙල් ආනයනය කළ හැටි මැලේසියානු පාම් තෙල් මණ්ඩලය කළ හෙලිදරව්ව එහි තිබෙනවා.

මෙවැනි කන්ටේනර් 850 ක් පමණ ඒ වන විටත් ගෙන්වා විකුණා අවසන්. මෙම කරුණු රේගුවට මතුපිටින් සොයාගත නොහැකියි. අපි අතිවිශාල වෙහෙසක් දරලයි එය ඔප්පු කළේ. ආනයනකරු නැවත අභියාචනාධිකරණයේ නඩු පවරා වසර ගණනක් තිස්සේ දිග්ගැස්සෙමින් තිබෙනවා.

රේගුවේ අඩුපාඩු තිබෙන බව ඇත්තයි. ඒත්, දැන් කතාවෙන පොල්තෙල් සිද්ධියේදිත් රේගුව වරදක් කර නෑ. ඇත්තෙන්ම ප්‍රමිති ආයතනයත් වැරදි නෑ.

මේ ප්‍රශ්නය හරි හැටි තේරුම් ගත්තොත් මෙහි වරදක් නැති බවත් එම පොල්තෙල් සමාජයට ගිහින් නැති බවත් තේරෙයි. ඒත්, සමාජ මාධ්‍යවල සැරිසරණ හැමදේම වැරදියට දකින, යම් යම් දේශපාලන මතිමතාන්තරවල එල්බ සිටින, ඇත්ත දකින්න උවමනා නැති ඇතැම් පිරිස් හා සමබර නොවූ මාධ්‍ය කලාව විසින් ප්‍රශ්නය විකෘති කරමින් සිටීම කණගාටුදායකයැයි ඔහු පෙන්වා දී ඇත.

මෑතකාලයේ ආන්දෝලාත්මක මෙම පොල් තෙල් ජාවාරම ගැන තවත් බොහෝ කරුණු ඉදිරියේ දී හෙළිදරව් වනු ඇත.

 ඒ කෙසේ වෙතත් මෙරටට ආනයනය කෙරුණු පොල් තෙල්වල ඇතැයි පැවැසෙන ‘‘ඇෆලටොක්සීන්‘‘ නමැති විෂ රසායනය ආහාරයට එක්වුවහොත් අක්මාවේ පිළිකා ඇතිවිය හැකි බවට කායික රෝග පිළිබඳ විශේෂඥ වෛද්‍ය මහාචාර්ය අර්ජුන ද සිල්වා මහතා මේ වනවිටත් අදහස් පළ කර තිබේ.