පිළිකා කාරක අඩංගු පොල්තෙල්
ආනයනය කළ ආයතන 3කට
මුද්‍රා තබා තිබේ.
පාරිභෝගික කටයුතු පිළිබද අධිකාරිය මෙම පියවර ගෙන ඇත.
අදාළ පොල්තෙල් පරිභෝජනයට නුසුදුසු බවට සාම්පල පරීක්ෂාවේදී තහවුරු වීමෙන්‌ පසුව එය ප්‍රතිඅපනයනය
කෙරෙන තෙක්‌ එම ආයතන 3ට
මුද්‍රා තැබූ බව පාරිභෝගික
කටයුතු පිළිබද අධිකාරිය කියා සිටී.
ආනයනය කළ පොල්තෙල් බහලුම්‌ 13ක ඇෆ්ලටොක්සීන්‌ නම්‌ පිළිකා කාරක අඩංගු බව සෞඛ්‍ය අමාත්‍යාංශයේ ආහාර
ආරක්ෂණ ඒකකය මගින්‌ තහවුරු කර තිබියදී එය අදාළ ආයතන වෙත මුදා හැර ඇති බවට සමස්ථ ලංකා පාරම්පරික පොල්තෙල් නිෂ්පාදකයන්ගේ සංගමය පසුගියදා අනාවරණය කළේය.
පිළිකාකාරක පොල්තෙල්
වෙළදපොළට නිකුත්‌ වී නොමැති
බව රාජ්‍ය අමාත්‍ය අරුන්දික
ප්‍රනාන්දු ඊයේ (26) පාර්ලිමේන්තුවේදී කීය.
තවදුරටත් එල්ල වන චෝදනා
හමුවේ එය යළි තහවුරු කර ගැනීම සඳහා දිවයින පුරා වෙළදසැල්වල පොල්තෙල් සාම්පල ලබා ගැනීම ඊයේ (26) ආරම්භ කෙරිණ.