එළඹෙන උත්සව සමය ඉලක්කර ගෙන මිනිස් සිරුරට අහිතකර වර්ණක අඩංගු සහල් ඇතුළු ධාන්‍ය වෙළෙඳපොළට නිකුත් කිරීමේ ජාවාරමක් පවතින බැවින් ලබන 28 වෙනිදා සිට පාරිභෝගික ආරක්ෂාව වෙනුවෙන් දීප ව්‍යාප්තව වැටලීම් මාලාවක් දියත්කරන බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ ලේකම් මහේන්ද්‍ර බාලසූරිය මහතා සදහන් කළේය.
මේ දිනවල ප්‍රදේශ කිහිපයක කළ වැටලීම්වලින් සොයාගත් ආහාර පරීක්ෂාවකදී මෙම ජාවාරම ගැන තොරතුරු සොයා ගැනීමට මහජන සෞඛ්‍ය පරීක්ෂකවරුන් සමත්ව බවද ඔහු කියයි.
මහේන්ද්‍ර බාලසූරිය මහතා සඳහන් කළේ, පොල් තෙල්වලට ද විවිධ රසායන ද්‍රව්‍ය මුසුකර අලෙවි කරන බවටද තොරතුරු ලැබී ඇති බවය. කළුතර, ගම්පහ, කොළඹ දිස්ත්‍රික්කවල මෙම ජාවාරම දැඩිව ක්‍රියාත්මක වන බව ද ඔහු සදහන් කළේය.