ජපානයේ ටෝකියෝ නුවරදී පැවැත්වෙන පැරාලිම්පික් ක්‍රීඩා උළෙලේදී හෙල්ල විසිකිරීමේ ඉසව්වෙන් රන් පදක්කම දිනා ලෝක වාර්තාවක් ද තැබූ දිනේෂ් ප්‍රියන්ත මහතාට රුපියල් කෝටි 5ක මුදල් ත්‍යාගයක් පිරිනැමීමට ක්‍රීඩා අමාත්‍යාංශය තීරණය කර තිබේ.
එමෙන්ම මෙම ක්‍රීඩා උළෙලේදීම හෙල්ල විසිකිරීමේ තවත් ඉසව්වකින් ලෝකඩ පදක්කමක් දිනූ සමිත දුලාන් කොඩිතුවක්කු මහතාට ද රුපියල් කෝටි දෙකක මුදල් ත්‍යාගයක් පිරිනැමීමට තීරණය කර ඇත.
එමෙන්ම දිනේෂ් ප්‍රියන්තගේ පුහුණුකරු වන ප්‍රදීප් නිශාන්ත මහතාට රුපියල් එක්කෝටි හැටපන් ලක්ෂයක මුදල් ත්‍යාගයක්ද පිරිනැමීමට තීරණය කර තිබේ.