බණ්ඩාරනායක ජාත්‍යන්තර සම්මන්ත්‍රණ ශාලා පරීශ්‍රයේ පිහිටි ජාතික පොලිස් කොමිෂන් සභා ගොඩනැගිල්ලෙහි තිබුණු ප්‍රින්ටර් ටෝනර් 12ක් සොරා ගැනීම සම්බන්ධයෙන් විමර්ශන පැවැත්වූ කුරුඳුවත්ත පොලිසිය ඒ සම්බන්ධයෙන් සැකපිට එම කොමිෂන් සභාවේම සේවයේ නිරත කාර්යාල කාර්ය සහයක‍යෙක් අත්අඩංගුවට ගෙන ඇත.

මාලිම්බඩ පදිංචිකරුවෙක් වන ඔහු අවුරුදු 41ක වයසැති අයෙකි.

ජාතික පොලිස් කොමිෂන් සභාවේ සේවයේ නිරත කළමණාකාර සේවා නිලධාරිනියක් විසින් පසුගිය 09 වෙනිදා කළ පැමිණිල්ලකට අනුව කුරුඳුවත්ත පොලිසිය මේ සම්බන්ධයෙන් විමර්ශන ආරම්භකර තිබිණි.

එම පැමිණිල්ලට අනුව සොරාගෙන තිබුූූ ටෝනර් 12 විනාකම සදහන්ව තිබුණේ රුපියල් 566,400ක් ලෙසණි. සොරාගත් ටෝනර් 12 ද සැකකරුගෙන් කළ ප්‍රශ්න කිරීම් හමුවේ සොයාගැනීමට පොලිසිය සමත්ව ඇත.