මෙරට පිහිටි විදේශීය බැංකුවක ඇති සමාගමක ගිණුමකින් රුපියල් කෝටි 14කට අධික මුදලක් වෙනත් ගිණුමකට මාරුකර කළ වංචාවක් සම්බන්ධයෙන් එම බැංවේ පාරිභෝගික සම්බන්ධතා කළමනාකරු අපරාධ පරීක්ෂණ දෙපාර්තමේන්තුවේ මූල්‍ය විමර්ශන අංශයේ නිලධාරීන් විසින් ඊයේ (01) අත්අඩංගුවට ගෙන ඇත.

කොල්ලුපිටියේ පිහිටි බැංකු ශාඛාව තුළ මෙම වංචාව සිදුව ඇති අතර එම වංචාවේ ප්‍රමාණය රුපියල් 148,842,839.56ක් වන බව අපරාධ පරීක්ෂණ දෙපාර්තමේන්තුව සඳහන් කරයි.

අදාල බැංකුවේ ගණුදෙනුකාර සමාගමක ගිණුමකින් මෙසේ මුදල් වෙනත් ගිණුමකට මාරුකරමින් වංචාව සිදුකළ බවට සැකපිට අත්අඩංගුවටගත් බැංකුවේ පාරිභෝගික සම්බන්ධතා කළමණාකරු රාජගිරියේ පදිංචි 49 හැවිරිදි වියේ පසුවන්නෙකි.