ජාතික ජන බලවේගය පක්ෂයේ වැලිගම ප්‍රාදේශීය සභාවේ මන්ත්‍රී නීතීඥ තාරක නානායක්කර මහතාගේ නිවසට වෙඩි තබා ඇත්තේ හරක් කටාගේ ප්‍රධානම ගේලයෙක් වන මිදිගම රුවන්ගේ කොන්ත්‍රාත්තුවකට අනුව බව අත්අඩංගුවටගත් වෙඩික්කරුගෙන් කළ ප්‍රශ්න කිරීම් වලදී හෙළිවි තිබේ.
මිදිගම රුවන් විසින් මෙම වෙඩි තැබීමේ සැළසුම ක්‍රියාත්මක කර ඇත්තේ බූස්ස අධි ආරක්ෂිත බන්ධනාගාරයේ සිට ජංගම දුරකථන ඔස්සේය.
කැලණිය ගෝනවල කොස්කුඹුර පාරේ පදිංචිකරුවෙක් වන හර්ෂ කුමාර නැමැති 33 හැවිරිදි සැකකාර වෙඩික්කරු මාතර කොට්ඨාශ අපරාධ විමර්ශන කාර්යාංශයේ නිලධාරීන් විසින් ඊයේ (27) අත්අඩංගුවට ගැනීමත් සමඟ මෙම තොරතුරු හෙළිවී ඇත. වෙඩික්කරු වෙඩි තැබීමට පැමිණි මෝටර් රථයද පොලිසිය විසින් සොයාගෙන තිබේ.