පානදුර වෙරළ තීරයේ ගිලී ගිය නෞකාව අසල දියනෑමට ගිය ළමුන් 12 දෙනෙක් දියවැලකට හසුවී ගසාගෙන යමින් සිටියදී එම දරුවන්ගෙන් 11 දෙනෙක් වෙරළ තීරයේ ජීවිතාරක්ෂක රාජකාරියේ නිරතව සිටි පොලිස් නිලධාරීන් දෙදෙනෙක් විසින් බේරාගැනීමට ඊයේ සමත්ව ඇත.

මෙම දරුවන් 11 දෙනා බේරාගැනීමට දැඩි වෙහෙසක් දැරීමට සිදුවූ බව පොලිසිය කියයි.

මෙහිදී බේරාගැනීමට නොහැකි වී ඇත්තේ එක් දරුවෙක් පමණි. ඔහු දියේ ගිලී අතුරුදන්ව ඇත. එම දරුවා වයස අවුරුදු 18ක් වන කෙසෙල්වත්ත පානදුර පදිංචිකරුවෙකි.

බේරාගත් දරුවන් අවුරුදු 12සහ 18 වයස්වල පසුවන්නන් බවත් ඔවුන් පානදුර සහ පනාමුර පදිංචිකරුවන් බවත් පොලිසිය සඳහන් කරයි.