කොළඹ නගරයේ රථ වාහන වැරදි කරන්නන් සොයාගැනීම සඳහා ශ්‍රී ලංකා පොලිසිය විසින් ආරම්භ කරන ලද CCTV වැඩසටහන අද (ජනවාරි 22) සිට ක්‍රියාත්මක වේ.
ඒ අනුව කොළඹ ප්‍රදේශයේ තීරණාත්මක ස්ථාන 33ක ස්ථානගත කර ඇති පොලිස් සීසීටීවී කැමරා මගින් රථවාහන වැරදිකරුවන් සොයා ගැනීමට නියමිතයි.
මෙහිදී වැරදිකරුවන් වන අයගේ දඩ පත්‍රිකා වාහනයේ ලියාපදිංචි හිමිකරුවන්ගේ ලිපිනයට යවනු ලැබේ.
කෙසේවෙතත් මෙම CCTV වැඩසටහනට ලංකා පෞද්ගලික බස් හිමියන්ගේ සංගමය (LPBOA) එරෙහි වී තිබේ.
LPBOA හි සභාපති ගැමුණු විජේරත්න පැවසුවේ මෙම වැඩසටහන ක්‍රියාත්මක කරන්නේ නම්, බස් ප්‍රමුඛතා මංතීරු නීතිය ද ක්‍රියාත්මක කළ යුතු බවයි.
ත්‍රිරෝද රථ ඇතුළු අනෙකුත් වාහන එම මංතීරුවේ ගමන් කිරීම හේතුවෙන් බස් රථ ධාවනයට ගැටලු මතුවන බවද ඔහු වැඩිදුරටත් පැවසීය.