එළවළු මිල අඩුවීමට තවත් මාස 04 ක් පමණ පවතිනු ඇති බව නුවරඑළිය ආර්ථික මධ්‍යස්ථානයේ වෙළඳ සංගමය පවසයි.
එක් එක් දිනට සාපේක්ෂව සුළු අඩුවැඩිවීම් සිදු වුව ද පවතින සමස්තයක් ලෙස එළවළු මිල පහළ බැසීමක් ක්ෂණිකව සිදු නොවනු ඇති බව එහි සභාපති අරුණ ශාන්ත කීය.
ඒ අනුව අප්‍රේල් මස පසුවනතුරු එළවළු මිල ඉහළ යනු ඇතැයි ඔහු කීය.
මිල අඩු වීමට නම් නව අස්වනු වෙළඳපොලට පැමිණිය යුතු බවත්, ඒ සඳහා ද සැලකිය යුතු කාලයක් ගතවනු ඇති බවත් ඔහු ප්‍රකාශ කළේය.