COVID-19 එන්නත් ලබා ගැනීමට සහ එන්නත් බෙදාහැරීමේ වැඩපිළිවෙල සඳහා ශ්‍රී ලංකා රජය සහ ලෝක බැංකුව ඩොලර් මිලියන 80.5 ක අතිරේක මූල්‍යකරණයක් සඳහා අත්සන් කර තිබේ.
රජය වෙනුවෙන් අත්සන් කරන ලද මුදල් අමාත්‍යාංශයේ ලේකම් සජිත් ආටිගල මහතා සහ ලෝක බැංකුව වෙනුවෙන් අත්සන් තැබූ ලෝක බැංකුවේ මෙරට අධ්‍යක්ෂක ෆාරිස් හදද්-සර්වෝස් මහත්වරුන් විසිනි.
“මෙම වසංගතයට එරෙහිව සටන් කිරීම සඳහා සියලු පාර්ශවකරුවන්ගේ සහයෝගීතාවය සහ සහයෝගය අත්‍යවශ්‍ය වේ” යැයි ශ්‍රී ලංකාවේ ලෝක බැංකුවේ මෙරට අධ්‍යක්ෂ ෆාරිස් හදද්-සර්වෝස් පැවසීය.
“ශ්‍රී ලංකාවේ සෞඛ්‍ය ප්‍රමුඛතා මෙන්ම හදිසි අවශ්‍යතා සඳහා ලෝක බැංකුව නිරන්තරයෙන් ප්‍රතිචාර දක්වයි. එන්නත් ඵලදායී ලෙස යෙදවීම ශ්‍රී ලංකාවට ජනතාව ආරක්ෂා කිරීමට, මානව ප්‍රාග්ධනය ගොඩනැගීමට සහ සියලු දෙනාගේම ආර්ථික ප්‍රකෘතියට එමගින් පහසුකම් සැලසෙනු ඇත. “
COVID-19 හදිසි ප්‍රතිචාර සහ සෞඛ්‍ය පද්ධති සැකසීමේ ව්‍යාපෘතිය මගින් මෙම දෙවන අතිරේක මූල්‍යකරණය සලසනු ලබන්නෙ ආරක්ෂිත හා ඵලදායී ලෙස COVID-19 එන්නත් මිලදී ගැනීම සහ යෙදවීම, සාර්ථකව යෙදවීම සඳහා අවශ්‍ය සෞඛ්‍ය පද්ධති ශක්තිමත් කිරීම ආදි ලෝක බැංකුවේ එන්නත අනුමත කිරීමේ නිර්ණායක සපුරාලන්නෙ නම් පමණි.
COVID-19 හදිසි ප්‍රතිචාර සහ සෞඛ්‍ය පද්ධති සූදානම් කිරීමේ ව්‍යාපෘතිය මගින් ඩොලර් මිලියන 298.07ක් ශ්‍රී ලංකාවේ වසංගත කළමනාකරණය සහ වැළැක්වීමේ ප්‍රයත්නයන් සඳහා දායක වී තිබේ. වෛද්‍ය සහ ශල්‍ය පරිභෝජන ද්‍රව්‍ය මිලදී ගැනීම ඇතුළු හදිසි වසංගත කළමනාකරණය සහ වැළැක්වීමේ කටයුතු සඳහා අත්‍යවශ්‍ය වැඩ, භාණ්ඩ, සේවා සහ උපදේශන සැපයීමට ව්‍යාපෘති අරමුදල් දායක වී ඇත.