විදෙස්ගතව සිට පැමිණෙන පුද්ගලයන් නිරෝධායන මධ්‍යස්ථානවල සතියක කාලයක් තබා පී.සී.ආර් පරීක්ෂණයකින් පසුව නිවෙස්වලට යැවීමට සෞඛ්‍ය බලධාරීන් තීරණය කර ඇත.
ඒ අනුව පළමු දින හත නිරෝධායන නීති රීතිවලට අනුව නිරෝධායන මධ්‍යස්ථානවලත් අනෙක් දින හත දැඩි රැකවල් මැද ඔවුන්ගේ නිවෙස්වලත් නිරෝධායනයට යොමු කිරීමට නියමිතය.
කොවිඩ් රෝගීන්ගේ සංඛ්‍යාව ඉහළ යාමත් සමඟ උද්ගතවිය හැකි ඇඳන් හිඟය පියවා ගැනීමේ පියවරක් ලෙස මෙම ක්‍රමය අනුගමනය කරනු ඇත.
මේ වනවිට විදෙස්ගතව සිට පැමිණ නිරෝධායනයට ලක්වන පිරිස දස දහසකට ආසන්න බව සෞඛ්‍ය අමාත්‍යංශය සඳහන් කරයි.