ජනාධිපති ගෝඨාභය රාජපක්ෂ මහතා කාබනික පොහොර භාවිතය දිරිමත් කරමින් රසායනික පොහොර භාවිතය මුළුමනින්ම ඉවත් කිරීමට ගෙන ඇති තීන්දුව ආණ්ඩුවේම ඇතැම් ඇමතිවරුන් විවේචනය කර ඇත.
ජනාධිපති ගෝඨාභය රාජපක්ෂ මහතා පවසන කාරණයට එකඟ බව පවසමින් වුවද ප්‍රසන්න රණතුංග, මහින්ද අමරවීර, දුමින්ද දිසානායක, දයාසිරි ජයසේකර ඇතුළු අමාත්‍යවරුන් කිහිප දෙනෙකු පසුගියදා රසායනික පොහොර භාවිතයෙන් ඉවත් කිරීමට අදාළ සිය විවේචනයන් ඉදිරිපත් කර තිබේ.
ප්‍රමාණවත් තරම් කාබනික පොහොර නිෂ්පාදනය කර ගැනීමට නොහැකි වුවහොත් ගොවීන් නගන චෝදනාවන් ඉහළ යා හැකි බව ඔවුන් පෙන්වා දී ඇත.
අස්වැන්න අඩුවීම, බලාපොරොත්තුවන විදේශ විනිමය අහිමිවීම, දිගු කාලීන වැඩපිළිවෙලක් ඉදිරිපත් නොවීම ඇතුළු කරුණු කිහිපයක් ඔස්සේ අමාත්‍යවරුන්ගේ මෙම අදහස් ඉදිරිපත්වී තිබේ.
එහෙත් ආහාර පරිභෝජනයේ දී මහජනතාවට සෞඛ්‍ය සම්පන්න වන්නේ ජනාධිපති ගෝඨාභය රාජපක්ෂ මහතා විසින් පෙන්වා දෙන ක්‍රමය බවද මෙම අමාත්‍යවරුන් පිළිගෙන ඇතැයි දේශපාලන ආරංචි මාර්ග සඳහන් කරයි.