සෑම ගෙවත්තකටම කහ පැල බඳුනක් ලබාදීමේ ජාතික වැඩසටහන ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද (01) ආරම්භ විය.
එම වැඩසටහන සනිටුහන් කරමින් ජනාධිපති ගෝඨාභභය රාජපක්ෂ මහතා මිරිහානේ සිය නිවස පිහිටි ගෙවත්තේ කහ පැලයක් අද රෝපණය කළේය.
නිවසේ කහ අවශ්‍යතාවය තම ගෙවත්තෙන්ම සපුරා ගනු පිණිස එක් පවුලකට කහ පැල බඳුන් 05 බැගින් පවුල් ලක්ෂ 15 කට මෙම වැඩසටහනට අනුව කහ පැල බෙදා දීම සිදු කෙරේ.
ගුණාත්මක බවින් ඉහළ පැල සෑම ප්‍රදේශයකම පිහිටි ගොවිජන සේවා මධ්‍යස්ථානයේ කෘෂිකර්ම ව්‍යාපෘති නිලධාරීන් මගින් ජනතාවට ලබාගැනීමේ පහසුකම්ද මේ අනුව සපයනු ලබයි.