මත්කුඩු සමග පොලිස් අත්අඩංගුවට පත්ව බන්ධනාගාරගතව සිටින ශ්‍රී ලංකා ක්‍රිකට් ක්‍රීඩක ශෙහාන් මධුසංක මත්කුඩු භාවිතයට ඇබ්බැහි වී සිටින්නෙක් මෙන්ම මත්කුඩු බෙදා හැරීමේ ජාවාරමටද සම්බන්ධ බව විමර්ශන වලින් අනාවරණය වී තිබෙන බව පොලිස් මත්ද්‍රව්‍ය කාර්යාංශයේ උසස් නිලධාරියෙක් සදහන් කළේය.
ශෙහාන් මධුසංක මත්කුඩු බෙදා හැරීමේ ජාලයකට සම්බන්ධව සිටින බවට ලද තොරතුරක් සම්බන්ධයෙන් දීර්ඝ කාලවක් තිස්සේ ඇස ගසාගෙන සිට ඔහුව මත්කුඩු සමග අත්අඩංගුවට ගෙන තිබෙන බවද එම නිලධාරියා පැවැසීය.
දක්ෂ ක්‍රීඩකයෙක් වන ඔහු මත්කුඩු භාවිතයට ඇබ්බැහි වී ඇත්තේ මිතුරන් මාර්ගයෙන් බවත් ඔහු පසුගිය කාලයේ පැවැති තරගවලට සහභාගිවන අවස්ථාවන් වලදීද මත්කුඩු භාවිතා කර සිට ඇති බව විමර්ශන වලින් පෙනී යන බවද එම නිලධාරියා සදහන් කළේය.
ඔහු සම්බන්ධව සිටින මත්කුඩු ජාලය සම්බන්ධයෙන්ද විමර්ශනයක් පැවැත්වෙන බව පොලිස් මත්ද්‍රව්‍ය කාර්යාංශ සදහන් කරයි.