මෙම වසරට ඡන්ද හිමි නාමලේඛනය අද 15 වැනිදා සිට ජූලි මස 12 වැනිදා දක්වා සියලුම ග්‍රාම නිලධාරී කාර්යාල හා ප්‍රාදේශීය ලේකම් කාර්යාලවල සහ දිස්ත්‍රික් මැතිවරණ කාර්යාලවල ප්‍රදර්ශනය කරන බව මැතිවරණ කොමිෂන් සභාව පවසයි.
ඡන්දහිමි නාමලේඛනයයට ඇතුළත්වල හා ඉන් ඉවත්වන නම් පිළිබඳව එම කාලසීමාව තුළදී ජනතාවට දැනුවත්විය හැකි බව මැතිවරණ කොමිෂන් සභාව සඳහන් කරයි.
එමෙන්ම විරෝධතා ඇත්නම් අද 15 වැනිදා සිට ජූලි මස 12 වැනිදා දක්වා ඉදිරිපත් කිරීමට හැකියාව ඇත.
ඡන්දයහිමි නාම ලේඛනයේ නම සඳහන් නොවන පුද්ගලයන්ට ජන්දය ප්‍රකාශ කිරීමට අවස්ථාව නොලැබෙන බැවින් තමන් පදිංචි ප්‍රදේශයේ ග්‍රාම නිළධාරිවරයා හමුවී ඡන්දහිමි නාමලේඛනයේ ලියාපදිංචිය තහවුරු කරගන්නා ලෙස මැතිවරණ කොමිෂන් සභාව ජනතාවගෙන් ඉල්ලා සිටි.