මෙරටින් පළා ගොස් ඩුබායි හී රැදී සිටිමින් මත්කුඩු ඡාවාරමේ නිරතව සිටින පාතාලයේ ප්‍රබලයින් තමන්ව පාවාදෙන්නන් ඝාතනය කිරීමට පටන්ගෙන ඇතැයි බුද්ධි අංශ අනතුරු අඟවා ඇත.
පසුගිය දින කිහිපය තුළ ඩුබායිහී රැදී සිටින පාතාල අපරාධකරුවන්ගේ මෙහෙයුම්වලට අනුව ඝාතන සහ ඝාතන තැත්කිරීම් කිහිපයක්ම සිදුවූ අතර ආසන්නතම සිදුවීම වාර්තා වන්නේ ඊයේ සවස් කාලයේදී අහංගමිනි.
දික්වැල්ලේ පදිංචිකරුවෙක් වන 27 හැවරදි තරුණයෙක් එහිදී වෙඩි ප්‍රහාරයකට ලක්ව ඝාතනය වන අතර ඔහු හරක් කටා නැමැති පාතාලයේ ප්‍රබලයාගේ මත්කුඩු ඡාවාරමට සම්බන්ද පුද්ගලයෙකි.
පොලිස් මත්ද්‍රව්‍ය කාර්යාංශය විසින් මෑතකදී හොරොයින් කිලෝ 200 කට වැඩි ප්‍රමාණයක් අත්අඩංගුවට ගත් අතර එම මත්කුඩු තොගය හරක් කටාට අයත් බව අනාවරණය විය. එම ඡාවාරම සම්බන්ධවෙන් මෙම තරුණයාවද අත්අඩංගුවටගත් අතර ජාත්‍යන්තර මුහුදු සීමාවට ගොස් ඉරාන් බෝට්ටුවකින් මත්කුඩු තොගය ගොඩබිමට රැගෙන ඒමට ඔහු සම්බන්ධ වී සිටි බව කියැවිණි.
පොලිස් ප්‍රශ්න කිරීම් හමුවේ ඔහු හරක් කටා ගැන තොරතුරු හෙළිකර තිබීම මෙම ඝාතනයට මුල් වී ඇතැයි පොලීසිය සැකකරයි.
ඩුබායි හී රැදී සිටින මත්කුඩු ඡාවාරම්කරුවන් පිරිසක් සමඟ පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් කළ මත්කුඩු ඡාවාරමක රජයේ සාක්ෂිකරුවෙක් වූ තැඹීලි වෙළෙන්දෙක්වද ඉකුත් සතියේදී අලුත්ගමදී වෙඩි තබා ඝාතනයකර තිබුණි. එසේම තවත් සාක්ෂිකරුවෙක් වූ ඔහුගේ මස්සිනා යැයි සැකකර ඊට දින කිහිපයකට පෙර කොළඹ නියෝජ්‍ය පොලිස්පති කාර්යාලය ඉදිරිපිට බැසිටියන් මාවත බස් නැවතුම් පොල ආසන්නයේදීද හිටපු කමාන්ඩෝ භටයෙකුට වෙඩි තබා ඝාතනය කර තිබුණි.
මේ වන විට ඩුබායි හී රැදී සිටින පානදුරේ කුඩු සළිඳු නැමැති පාතාල අපරාධකරුගේ මත්කුඩු ඡාවාරම ගැන තොරතුරු හෙළිකළ බව කියන සළිඳුගේ මත්කුඩු ඡාවාරමට සම්බන්ධ පුද්ගලයෙක්ටද ඉකුත් සතියේ පානදුරේදී වෙඩි තබා ඝාතනය කර තිබුණි.
මෙම ඝාතන සියල්ලකගේම වෙඩික්කරුවන් ඉලක්කයට වෙඩි තැබීම සම්බන්ධයෙන් හසල දැනුමක් ඇති පුද්ගලයින් බව පොලිස් විමර්ශන විලින් පෙනී ගොස් ඇත.