තලෙයිමන්නාරමේ සිට ඉන්දියාවේ ධනුෂ්කෝඩි දක්වා පිහිනා ගොස් නැවත තලෙයිමන්නාරමට පැමිණෙමින් නව ආසියානු වාර්තාවක් තැබූ ශ්‍රී ලංකා ගුවන් හමුදාවේ පිහිනුම් ශූර රොෂාන් අබේසුන්දර මහතා නායක ගුවන්භට නිලයේ සිට කෝප්‍රල් තනතුර දක්වා උසස්කර තිබේ.

ගුවන් හමුදාපති එයාර් මාර්ෂල් සුදර්ශන පතිරණ මහතා විසින් අද (15) එම උසස්වීම ගුවන් හමුදා මූලස්ථානයේදී ඔහුට පිරිනමා ඇත. ඒ ඔහු දැක්වූ දක්ෂතාවය වෙනුවෙනි.

ශ්‍රී ලංකා ගුවන් හමුදාවේ පිහිනුම් ශූර රොෂාන් අබේසුන්දර මහතා එම පිහිනුම් වාර්තාව පිහිටුවීමට සමත් වන්නේ පසුගිය 11 වෙනිදාය.