ලබන අප්‍රේල් මාසයේ සිට සැත්තැම්බර් දක්වා කාලය තුළ කල් ඉකුත් වන රියදුරු බලපත්‍රවල කාලය දීර්ඝ කිරීමට මෝටර් රථ ප්‍රවාහන දෙපාර්තමේන්තුව පියවර ගෙන තිබේ.
ඒ අනුව ලබන අප්‍රේල් 01 වෙනිදා සිට ජූනි 30 දක්වා කල්ඉකුත්වන රියදුරු බලපත්‍රවල වලංගු කාලය මාස 06 කින් දීර්ඝ කිරීමට තීරණය කර ඇත.
ජූලි 01 වෙනිදා සිට සැත්තැම්බර් 30 දක්වා කාලය තුළ කල් ඉකුත් වන රියදුරු බලපත්‍රවල වලංගු කාලය මාස 03 කින් දීර්ඝ කෙරන බව මෝටර් රථ ප්‍රවාහන දෙපාර්තමේන්තුව සඳහන් කරයි.
කොවිඩ් වසංගත සමය හේතුවෙන් ද මෙයට පෙර අවස්ථා කිහිපයකදීම කල්ඉකුත්වන රියදුරු බලපත්‍රවල වලංගු කාලය දීර්ඝ කරනු ලැබීය. එම වලංගු කාලය මෙම කාලසීමාව තුළ අවසන් වන්නේ නම් එම රියදුරු බලපත්‍රවල කාලයද දීර්ඝ වන බව මෝටර රථ ප්‍රවාහන දෙපාර්තමේන්තුව සදහන් කරයි.
දැනට නිකුත්කර ඇති තාවකාලික රියදුරු බලපත්‍ර සඳහා වසරක වලංගු කාලයක් සහිත නව බලපත්‍රයක්ද තැපැල් මඟින් රියදුරන්ට ලැබීමට සලස්වන බවත් කාඩ්පත් මද්‍රණය යථා තත්ත්වයට පත්වීමෙන් පසු අදාල කාඩ්පත් මුද්‍රණයකර නිවසටම රියදුරු බලපත්‍ර ලැබීමට සලස්වන බවත් මෝටර් රථ දෙපාර්තමේන්තුව සඳහන් කරයි.