අංජනා මල්ලවආරච්චි
විශ්වවිද්‍යාල වසා දමා වසරකට අධික කාලයක් ගත ඒවා නැවත විවෘත කිරීමට ආණ්ඩුවට කිසිම සැලසුමක් නැතැයි පේරාදෙණිය විශ්වවිද්‍යාලයේ මහා ශිෂ්‍ය සංගමය සභාපති ගයාන් අකිල ජයතිලක මහතා පැවසීය.
විශ්ව විද්‍යාල නැවත විවෘත කිරීමටත් මහපොළොව ශිෂ්‍යාධාර ගැටළු ගැටලූ විසඳීමටත් ආණ්ඩුවට කිසිදු අවශ්‍යතාවක් නැතැයි ද පේරාදෙණිය පැවති ප්‍රවෘත්ති සාකච්ඡාවකට එක්වෙමින් සභාපතිවරයා පැවසීය.
රාජ්‍ය ආයතන, කර්මාන්තශාලා වෙනත් ආයතන ආරම්භ කර මාස කීපයක් ගත වී ඇතත් ආණ්ඩුවට විශ්ව විද්‍යාල විවෘත කිරීමට අවශ්‍යතාවක් නැතැයි ද ඔහු කීය.
විශ්වවිද්‍යාල වසා තැබීමට රජය ගෙන ඇති තීරණය නිසා අධ්‍යාපනයේ ගුණාත්මකභාවය බිඳවැටීම, ශිෂ්‍ය ව්‍යාපාරය දුර්වල කිරීම ආණ්ඩුවේ අරමුණ වී ඇතැයි ද මහා ශිෂ්‍ය සංගමයේ සභාපතිවරයා කීය.