කොළඹ ප්‍රදේශයේ රථ වාහන තදබදය පිළිබඳ නිරීක්ෂණය කිරීමට ශ්‍රී ලංකා ගුවන් හමුදාව ද සම්බන්ධ වී තිබේ.
ඒ බෙල් 212 හෙලිකොප්ටර් යානයක් සහ ඩ්‍රෝන යානා උපයෝගී කරමිනි.
කොළඹ ප්‍රදේශයේ රථවාහන ගමනාගමනය නිරීක්ෂණය කිරීම සඳහා නෙළුම් පොකුණ හන්දිය, ආයුර්වේද හන්දිය, දියත උයන ප්‍රදේශය, පංචිකාවත්ත ප්‍රදේශය, නව කැලණි පාලම ප්‍රදේශය සහ පාර්ලිමේන්තු හන්දිය යන ප්‍රදේශවල මෙම මෙහෙයුම් සිදු කෙරේ.
ජනාධිපති ගෝඨාභය රාජපක්ෂ මහතාගෙ උපදෙස් පරිදි ගුවන් හමුදාධිපති එයාර් මාර්ෂල් සුදර්ශන පතිරණ මහතාගේ මඟපෙන්වීම මත ගුවන් හමුදාව ශ්‍රී ලංකා පොලිසිය සමඟ ඒකාබද්ධ මෙහෙයුමක් ලෙස මෙය දියත් කරන ලදී.
