ඉන්දියාවේ සිට මුහුදු මාර්ග ඔස්සේ රැගෙන පැමිණි පිපුරුම් ද්‍රව්‍යක් වන ජෙලට් නයිට් කූරු 1206 ක් යුද හමුදාවෙන් ලබාදුන් තෙරතුරකට අනුව මන්නාරම පොලීසිය අද අළුයම කළ මෙහෙයුමකදී සොයාගෙන තිබේ.

බෝට්ටු මගින් හොර රහසේ රැගෙන පැමිණ ඇති මෙම ජෙලට් නයිට් කූරු තොගයේ බර කිලෝ 150 යි ග්‍රෑම් 750 කි.

මන්නාරම උප්පුකුලමේ පිහිටි නිවසක මෙම පුපුරණ ද්‍රව්‍ය තොගය සඟවා තිබී ඇත.

මේ වන විට ඉන්දියාවේ සිට හොර රහසේ විවිධ පුපුරණ ද්‍රව්‍ය මෙරටට රැගෙන ඒමේ ප්‍රවනතාවක් ඇතැයි බුද්ධි අංශ සඳහන් කරයි.

නාවික හමුදාවෙන් ලබාදුන් තොරතුරකට අනුවද ඊයේ සවස මන්නාරම පොලීසිය විශේෂ කාර්ය බලකායේද සහය ඇතිව

ඉන්දියාවේ VETRIVEL EXPLOSIVES PVT. LTD. ආයතනයේ නිෂ්පාදිත කරලක් ග්‍රෑම් 125 ක් බරකින් යුත් ඉමල්ෂන් වර්ගයේ උසස් පුපුරණ ද්‍රව්‍ය කරල් 7,990 ක් සොයාගත්තේය එම පුපුරණ ද්‍රව්‍ය තොගයේ සම්පූර්ණ බර කිලෝ 998 යි ග්‍රෑම් 750 කි.

මන්නාරම ශාන්තිපුරම් ගෙවල් 100 ප්‍රදේශයේ නිවසක සඟවා තිබුණු මෙම පුපුරණ ද්‍රව්‍ය සමඟ අවුරුදු 55 ක් වයසැති පුද්ගයෙක්ද අත්අඩංගුවට ගෙන තිබුණි.