මහ කන්නයට කෘෂි බෝග වර්ග සඳහා ශාක පෝෂක සහ කෘෂි රසායන ආනයනය කිරීමට අවසර ලබාදී තිබේ.
ඒ අනුව වී, බඩඉරිඟු, එළවළු සහ අනෙකුත් භෝග සඳහා මෙලෙස අවසර දී ඇතැයි කෘෂිකර්ම අමාත්‍යාංශ ලේකම්වරයා පවසයි.
මහ කන්නයට හදිසි අවශ්‍යතාවයක් සේ සළකා මෙම පියවර ගෙන තිබේ.
නිසි ප්‍රමිතියෙන් යුත්, ගුණාත්මක ශාක පෝෂක මෙරටට ගෙන්වීමට යළි අවසර දී තිබේ.
ඒ අනුව, මෙරටට අවශ්‍ය සියලු ගුණාත්මක බවින් යුත්, නිර්දේශිත පොහොර ආනයනය කර, කඩිනමින් ගොවි බිම් වෙත නිකුත් කිරිමට අවශ්‍ය පසුබිම් සකස් කරමින් ඇතැයි, කෘෂිකර්ම අමාත්‍යාංශය කියයි.
යූරියා ඇතුළු හඳුනා ගත් ශාක පෝෂක දැනටමත් මෙරටට ගෙන්වීම සඳහා අවශ්‍ය ඇනවුම් සිදු කර අවසන් බව ද වාර්තා වේ.
කෘෂි විද්‍යාඥයින් ඇතුළු පිරිසක් ජනාධිපතිවරයාට යොමු කළ කෘෂි මාර්ගගත සැලැස්මට අනුව මෙම පියවර ගෙන ඇත.