ගිරිඋල්ල කොස්කොළදෙනිය ප්‍රදේශයේ කොවිඩ් රෝගී කාන්තාවක සොයා ඇගේ නිවසට ගිය මහජන සෞඛ්‍ය පරීක්ෂකවරයකුට පහරදී කෙළ ගැසීමක් සම්බන්ධයෙන් අත්අඩංගුවට ගත් සැකකරුවෙකු ලබන 17 වෙනිදා දක්වා රිමාන්ඩ් භාරයට පත්කරන ලෙස කුළියාපිටිය අධිකරණය අද නියෝග කළේය.
ගිරිඋල්ල පොලීසිය මගින් එම සැකකරුව අත්අඩංගුවට ගෙන තිබුණි. පොලීසිය සදහන් කරනු ලැබුවේ එම අවස්ථාවේදී සැකකරු වීමත්ව සිට ඇති බවයි.
අදාල සැකකරු පදිංචි නිවසේ කොවිඩ් රෝගියෙක් සිටින බවට ලද තොරතුරකට අනුව නාරම්වල සෞඛ්‍ය වෛද්‍ය නිලධාරී කාර්යාලයේ මහජන සෞඛ්‍ය පරීක්ෂකවරුන් තොරතුරු සොයා ඊයේ එම නිවසට ගිය අවස්ථාවේදී කෙළ ගැසීම සිදුව ඇත.