අංජනා මල්ලවආරච්චි
ලංකා විදුලිබල මණ්ඩලයේ ඉංජිනේරුවන්ගේ සැලසුම් ප්‍රතික්ෂේප කරමින් බලධාරීන් කටයුතු කිරීම නිසා අනාගතයේ රට අඳුරු අගාධයකට වැටීමේ දැඩි අවදානමක් මතුව ඇතැයි ලංවිම ඉංජිනේරු සංගමය කියයි.
ලංවිම ඉංජිනේරුවන්ගේ ගල්අඟුරු මාෆියාව යනුවෙන් ව්‍යාජ බිල්ලෙක් මවමින් ගල්අඟුරු බලාගාර ප්‍රතික්ෂේප කිරීම නිසා අනාගතයේදී රටට දැඩි විදුලි අර්බුදයක් හට ගනු ඇති බවට ලංකා විදුලිබල මණ්ඩලය ඉංජිනේරු සංගමයේ විධායක කමිටු සාමාජික චරිත ජයනාත් මහතා පැවසීය.
ලංවිම ඉංජිනේරුවන් එදා සිට මේ දක්වා අඩු වියදම් විදුලිබල ජනන ක්‍රමයක් වන ගල්අඟුරු බලාගාරවල අවශ්‍යතාවය මතු කළ බවට ජයනාත් මහතා කීය.
සුර්ය පැනල කර්මාන්තකරුවන්ට හා රාජ්‍ය නොවන සංවිධාන ඒජන්තයින් ලාභ ලැබීමේ අපේක්ෂාවෙන් බලධාරීන්ට සහ රටට වැරදි චිත්‍රයක් මවා ඇතැයි ද ඇතැයිද ඔහු පැවසීය.