අංජනා මල්ලවාරච්චි
මේ දිනවල රටපුරා එළවලු මිල ඉහළ ගොස් ඇතැයි පාරිභෝගිකයෝ මැසිවිලි නගති.
කොළඹ හා තදාසන්න නගරවලත් දිවයිනේ පිටපළාත්වලත් මිල ගනන් දැරිය නොහැකි මට්ටමට ඉහළ ගොස් ඇතැයි ද පාරිභෝගිකයෝ සඳහන් කරති.
සංචරණ සීමා හේතුවෙන් නිවෙස්වලට එළවළු රැගෙන එන ජංගම රථවල වෙළෙන්දන් සිතූ සිතූ ගණන්වලට ගණන්වලට එළවළු අලෙවි කරන බව ද ඔවුහු පවසති.
එළවළු ග්‍රෑම් 250ක මිල ඉකුත් කාලයේදී රුපියල් 30-40ත් අතර තිබූ නමුත් මේ වන විට එය රුපියල් 60-70ක් අතර මිලකට ඉහළ ගොස් ඇතැයි පාරිභෝගිකයෝ කියති.
බෝංචි කිලෝවක මිල රුපියල් දෙසිය 240-280ත් අතරද මෑකරල් කිලෝවක මිල රුපියල් 190ත්-230ත් අතරද මාලු මිරිස් කිලෝවක මිල රුපියල් 400-480ත් අතර මිලකට අද අලෙවි කෙරුණු බව වෙළෙඳපොළ ආරංචිමාර්ග කියයි.
ලීක්ස් කිලෝව රුපියල් 280 ක් ද රතු අල කිලෝවක් රුපියල් 260ක් ද ආදී වශයෙන් අද අලෙවි වූ බවට වෙළෙඳපොළ ආරංචිමාර්ග කියයි.
