ශ්‍රී ලංකා පොලිසියේ 37 වන පොලිස්පතිවරයා ලෙස වැඩ බලන පොලිස්පති ප්‍රියන්ත වීරසූරියගේ නම ජනාධිපති අනුර කුමාර දිසානායක මහතා විසින් ව්‍යවස්ථා සභාව වෙත යොමුකර තිබේ.

ව්‍යවස්ථා සභාව මේ වන විට ජනාධිපතිවරයා විසින් පොලිස්පති ධූරයට නිර්දේශ කල නාමය සලකා බලමින් සිටින බව ආරංචි මාර්ග සඳහන් කළේය.

ප්‍රියන්ත වීරසූරිය මහතා 1988 වසරේ මැයි 20 දා ආධුනික පොලිස් කොස්තාපල්වරයෙක් ලෙසත් 1992 වසරේ අගොස්තු 02 දා ආධුනික උප පොලිස් පරීක්ෂකවරයෙක් ලෙසත් 1999 වසරේ මාර්තු 05 වෙනිදා ආධුනික සහකාර පොලිස් අධිකාරීවරයෙක් ලෙසත් අවධි 03ක් පසුකළ ශ්‍රී ලංකා පොලිසියේ පළමු නිලධාරියාය.

2024 සැප්තැම්බර් 27 වෙනිදා සිට වැඩ බලන පොලිස්පතිධූරයේ රාජකාරියේ නිරතව සිටින ප්‍රියන්ත වීරසූරිය මහතා වයස අවුරුදු 60න් පොලිස් සේවයෙන් විශ්‍රාම ගැනීමට නියමිතව ඇත්තේ 2029 වසරේ පෙබරවාරි 09 වෙනිදාය.