කළමනාකරණ පශ්චාත් උපාධි ආයතනයේ ඩුබායි ශාඛාවේ සිදුවූ රුපියල් 58,200,000ක මුදල් වංචාවක් සම්බන්ධයෙන් විමර්ශන පැවැත්වූ අපරාධ පරීක්ෂණ දෙපාර්තමේන්තු‍වේ වාණීජ අපරාධ විමර්ශන අංශයේ නිලධාරීන් ඒ සම්බන්ධයෙන් විශ්‍රාමික ජ්‍යෙෂ්ඨ මහාචාර්යවරයෙක් ඊයේ අත්අඩංගුවට ගෙන ඇත.
මෙම වංචාව සිදුවන විට ඩුබායි ශාඛාවේ කළමණාකරන අධ්‍යක්ෂවරයා ලෙස සේවයේ නිරතව සිට ඇත්තේ ඔහුය.
මෙම මහාචාර්ය වරයා අවුරුදු 78ක් වයසැති පන්නිපිටියේ පදිංචිකරුවෙක් බව අපරාධ පරීක්ෂණ දෙපාර්තමේන්තුව සඳහන් කරයි.