ශ්‍රී ලංකා පොදුජන පෙරමුණේ අනුරාධපුර දිස්ත්‍රික් හිටපු මන්ත්‍රී එම්.ජී. වීරසේන මහතා පදිංචිව සිටින කැකිරාවේ පිහිටි නිවසට හොරු පැන රුපියල් 145,000ක මුදලක් සොරාගෙන ගොස් ඇතැයි කැකිරාව පොලිසිය සඳහන් කරයි.

මෙම සොරකම සිදුව ඇත්තේ පෙරේදා (31) මධ්‍යම රාත්‍රීයේ සිට අලුයම 4.30 දක්වා වූ කාලය තුළදීය.

නිවසේ ඇති කාර්යාල කාමරයේ ජනේලයක් විවෘකර එහි ආරක්ෂිත යකඩ දැලද ගලවා සොරා මුලින්ම කාර්යාල කාමරයට ඇතුළු වී ඇති බව විමර්ශනයේදී පෙනී ගොස් තිබේ.

මෙම සොරා කාර්යාලයේ අගුල් ලා තිබුණු දොරේ සරනේරු ගලවා දොර විවෘතකරගෙන නිවස තුළට ඇතුළුවී මුදල් සොරාගෙන ඇති බව පොලිසිය සඳහන් කරයි.

සැකකරුවන් සොයා විමර්ශන පැවැත්වෙන බව කැකිරාව පොලිසිය සඳහන් කරයි.