සීදූව රාජපක්ෂ පුර දී සීදූව නගර සභාවේ ජාතික ජන බලවේගයේ මන්ත්‍රීවරියකගේ පියාට වෙඩි තබා ඝාතනය කිරීමට උත්සහ දරා ඇත්තේ හිටපු අමාත්‍යවරයෙක් වූ අභාවප්‍රාප්ත මංගල සමරවීර මහතාගේ පුද්ගලික ලේකම් සමීර මනහර ට කඳානේදී වෙඩි තැබීම සැළසුම් කළ පාතාල කල්ලියට සම්බන්ධ කණ්ඩායම විසින් බවට සැකකරන තොරතුරු විමර්ශන කණ්ඩායම් වෙත ලැබී තිබේ.
ඩුබායි හී රැදී සිටින එම පාතාලයේ අපරාධකරුවන් කොන්ත්‍රාත්තුවක් ලබාදෙමින් මෙම වෙඩි ප්‍රහාරය එල්ලකරන්නට ඇතැයි සැකකරන තොරතුරු විමර්ශන කණ්ඩායම් වෙත ලැබී ඇත.
මන්ත්‍රීවරියගේ පියා හමුදා සේවයේ සිට විශ්‍රාම ලබා සිටින්නෙකි. ප්‍රදේශයේ සිදුවන මත්ද්‍රව්‍ය ජාවාරමට එරෙහිව ඔහු සටන් කිරීම හේතුවෙන් මෙම වෙඩි ප්‍රහාරය එල්ලවී ඇති බව සඳහන්ය.
යතුරු පැදියකින් පැමිණි දෙදෙනෙක් විසින් පිස්තෝලයකින් මෙම වෙඩි තැබීම සිදුකර ඇත්තේ මන්ත්‍රීවරියගේ පියා අසල වෙළඳ සැලකට පැමිණ සිටියදීය.
ඩි.ග්‍රේෂන් ෆැන්සිස් ද සිල්වා (54) නැමති විශ්‍රාමික හමුදා සෙබළකු වන මන්ත්‍රීවරියගේ පියාගේ හිසට, බඩ ප්‍රදේශයට, අතකට හා කකුලකට වෙඩි වැදී ඇති බව පොලිසිය සඳහන් කරයි.