අපේ ජනබල පක්ෂයේ මහ ලේකම් වේදිනිගම විමලතිස්ස හිමියන් පැහැරගෙන ගොස් උන්වහන්සේ බිය ගන්නා 2020 වසරේදී එම පක්ෂයට ලද ජාතික ලැයිස්තු මන්ත්‍රීධූරය වෙනත් අයෙකුට ලබාගැනීමට ලිපි ලේඛන කිහිපයකට බලහත්කාරයෙන් අත්සන් ගත් බව සඳහන් පැමිණිල්ල සම්බන්ධයෙන් වසර 05කට පසු විමර්ශන පැවැත්වූ කොළඹ දිසා අපරාධ කොට්ඨාශයේ නිලධාරීන් විසින් ඊට සම්බන්ධ සැකකරුවෙක් ඊයේ (19) අත්අඩංගුවට ගෙන ඇත.

කටුවන කිරිමානගොඩ පදිංචිකරුවෙක් වන සැකකරු අවුරුදු 35ක් වයසැති අයෙකි. මෙම සැකකරු කටුවන නන්දසීහ හිමි නමින් පැවදි වී සිටි අයෙක් බව විමර්ශන වලින් අනාවරණය වී තිබේ.