දෙමටගොඩ රුවන් නැමැති පාතාල අපරාධකරු කොල්ලුපිටියේ පිහිටි රාත්‍රී සමාජ ශාලාවක් තුළදී වෙඩි තබා ඝාතනය කිරීමට ඊයේ (19) කළ සැළසුමක් ව්‍යර්ථ වී තිබේ.
යතුරුපැදියකින් වෙඩික්කරු සහ තවත් අයෙක් පැමිණ සමාජ ශාලාව අසල මෙදින අලුයම සැරිසරමින් සිටියදී සමාජ ශාලාවේ ආරක්ෂකයන්ට ඒ ගැන සැකසිතී ඔවුන් දෙදෙනා කෙරෙහි අවධානයෙන් සිට ඇත. යතුරුපැදියේ පසුපැදිකරු සන්තකයේ ටී 56 අවියක් ඇති බව දුටු එක් ආරක්ෂකයෙක් එම අවිය සහිතව සිටි පුද්ගලයා සමඟ පොර බදා ගිනි අවිය ඔහු සන්තකයට ගෙන තිබේ. එහිදී යතුරුපැදියද රැගෙන ඔවුන් දෙදෙනා පළාගොස් ඇත.
මෙම සමාජ ශාලාව දෙමටගොඩ රැවන්ට අයත් එකක් බව පොලිසිය සඳහන් කරයි. ඔහු භාරත ලක්ෂමන් මහතා ඝාතනයට මරණිය දණ්ඩනය නියම වී සිටින දෙමටගොඩ චමින්දගේ සහෝදරයාය.