ප්‍රකට ධර්ම දේශකයකු වූ බණ්ඩාරවෙල අමිතානන්ද ස්වාමීන් වහන්සේ අද (29) දහවල් කොළඹ ජාතික රෝහලේදී අපවත්වූහ.
දෙල්ගොඩ යොවුන් සිතට දහම් සිසිල මධ්‍යස්ථානය ආරම්භ කළ අමිතානන්ද හිමියන් මෙරට තරුණ ප්‍රජාව බෞද්ධ දර්ශනය කෙරෙහි යොමුකිරීමට කටයුතු කළේය.
,දෙල්ගොඩ උඩුපිල දහම් මැඳුර, විපස්සනා භාවනා මධ්‍යස්ථානය, කොට්ටුන්න සිරි දේවමිත්ත යෝගාශ‍්‍රමය, කතරගම නීලකාරාම මහසෙන් භාවනා මධ්‍යස්ථානය, අත්තනගල්ල ඌරපොල දහම් මැඳුර යන ධර්ම නිකේතනයන් බිහිකරමින් ඒවාට උගත්, විනයධර ශිෂ්‍යවරයන් වහන්සේලා පත් කරමින්මහත්වූ ශාසනික සේවයක නිරතව සිටියහ.