පොලිස්පතිදේශබන්දු තෙන්නකෝන් මහතා සිය ධුරයේ බලය අනිසි ලෙස යොදාගැනීම සම්බන්ධයෙන් විමර්ශනය කර වාර්තා කිරීමට පත් කළ ත්‍රීපුද්ගල පරීක්ෂණ කමිටුවට සහය වීමට අපරාධ පරීක්ෂණ දෙපාර්තමේන්තුවේ සේවයේ නිරත සහකාර පොලිස් අධිකාරීවරයෙක්ගේ ප්‍රධානත්වයෙන් සිව් දෙනෙකුගෙන් යුත් පොලිස් කණ්ඩායමක් වැඩ බලන පොලිස්පති නීතීඥ ප්‍රියන්ත වීරසූරිය මහතා විසින් අනුයුක්ත කර ඇත.
පොලිස්පති දේශබන්දු තෙන්නකෝන් මහතා සම්බන්ධයෙන් කෙරන විමර්ශන සඳහා අවශ්‍ය සාක්ෂි කරුවන් කමිටුව හමුවට කැදවා දීම, ඇතුළු විශාල වැඩ කොටසක් මෙම නිලධාරීන් කණ්ඩායමට පැවරෙන පොලිස් මූලස්ථාන තොරතුරු සඳහන් කළේය.
දේශබන්දු තෙන්නකෝන් මහතා සම්බන්ධයෙන් විමර්ශන පවත්වන කමිටුව ශ්‍රේෂ්ඨාධිකරණ විනිසුරු පී.පී. සූරසේන මහතාගේ සභාපතිත්වයෙන් සහ විනිසුරු ඩබ්ලිව්.එම්.එන්.පී. ඉද්දවල සහ ජාතික පොලිස් කොමිෂන් සභාවේ සභාපති ඊ.ඩබ්ලිව්.එම්. ලලිත් ඒකනායක යන මහත්වරුන්ගේ සාමාජිකත්වයෙන් සමන්විතය.
