වැලන්ටයින් දිනය දා ගාල්ල දඩැල්ලේ පිහිටි නිවාස සංකීර්ණයකදී බංගලාදේශ ජාතික සිසුවියක දූෂණය කළ බංගලාදේශ ජාතික ව්‍යාපාරිකයෙකු ගාල්ල පොලිසියේ ළමා හා කාන්තා කාර්යාංශයේ නිලධාරීන් විසින් ඊයේ අත්අඩංගුවට ගෙන ඇත.
බංගලාදේශ ජාතික සිසුවිය අවුරුදු 22ක් වයසැති තැනැත්තියක් බවත් ව්‍යාපාරිකයා 42 හැවිරිදි වියේ පසුවන්නෙක් බවත් පොලිසිය සඳහන් කරයි.
මෙම අපරාධය සිදුවූ නිවාස සංකීර්ණයේ පිහිටි නිවසට ව්‍යාපරිකයා පැමිණ ඇත්තේ ඇගේ කැමැත්ත මත බව විමර්ශන වලින් අනාවරනය වී ඇතැයි පොලිසිය සඳහන් කරයි.
මෙම සිසුවිය වෛද්‍ය පරීක්ෂණයකට ලක්කර ඇති අතර එහිදී ඇය දූෂණය වී ඇතැයි තහවුරු වී තිබේ. සැකකරු අත්අඩංගුවට ගෙන ඇත්තේ ඒ අනුවය.