මෙරට සංචාරයක් සඳහා පැමිණ සිටින යුක්රෙන් ජාතික පියෙක් සහ දියණියන් දෙදෙනෙක් ඔවුන් නවාතැන් ගෙන සිටි අහුංගල්ලේ පිහිටි සංචාරක හෝටලයක් පිටුපස මුහුදු වෙරළේ ඊයේ (26) සවස දියනාමින් සිටියදී දියවැලකට හසුවී ගසාගෙන ගොස් ඇත.
මෙසේ ගසාගෙන ගොස් ඇත්තේ අවුරුදු 54ක් වයසැති පියා සහ අවුරුදු 17 හා 13 යන වයස්වල පසුවන දියණිවරු දෙදෙනාය.
ජීවිතාරක්ෂක නිලධාරීන් විසින් ඔවුන් තිදෙනාව බේරාගෙන ගොඩට රැගෙන විත් ප්‍රථමාධාර ලබාදීමෙන් අනතුරුව රෝහල්ගත කිරීමට පියවර ගෙන ඇත. එහිදී පියා මියගොස් ඇතැයි පොලිසිය සඳහන් ක‍ළේය.
