ගයාන් කුමාර වීරසිංහ
නීති විරෝධි මත්පැන් වැඩි වශයෙන් නිෂ්පාදනය කරනු ලබන ජා-ඇල ඔතේ කැලේ ප්‍රදේශයේදී දුම්වැටියක් දැල්වීමට යාමේදී ඒ් අසල තිබුණු හිස් ටිනර් බැරලයකට ගිනි අවිලී දරුණු ලෙස පිළිස්සුම් තුවාල ලැබූ පුද්ගලයකු මියගොස් ඇත.
මෙසේ මියගොස් ඇත්තේ නොච්චියාගම නිකව හන්දියේ පදිංචිකරුවෙක් වන 29 හැවිරිදි වියැති පුද්ගලයකි.
මෙම පුද්ගලයාගේ සිරුරට ගිනි ඇවිලී ඇත්තේ පසුගිය 08 වෙනිදාය. එම ස්ථානයේ හිස් බැරල් රැසක්ම තිබී ඇති බව සඳහන්ය.
ගිනි ඇවිලීමෙන් බරපතල තුවාල ලැබූ මෙම පුද්ගලයා රෝහල්ගත නොකර ආයුර්වේද ප්‍රතිකාර ලබාගෙන ඇති බවත් පසුව තුවාල පැසවීමට පටන් ගැනීමත් සමඟ ජා-ඇල රෝහලට පසුගිය 14 වෙනිදා ඇතුලත්ව ඇති බවත් ජා-ඇල පොලිසිය සඳහන් කරයි.
රෝහල්ගත කිරීමෙන් අනතුරුව වැඩි වේලාවක් ඔහු ජීවත්ව නැත. මුල් අවස්ථාවේදිම මෙම පුද්ගලයා රෝහල් ගත කලේ නම් මෙවැනි අවාසනාවන්ත මරණයක් හිමිනොවනු ඇති බව පොලිසිය කියයි.
