කොළඹ – කතරගම මාර්ගයේ රුවිනිගම හංදියේදී යතුරු පැදියක කැබ් රථයක් ගැටී ඊයේ (11) සවස සිදුවූ අනතුරකින් යතුරුපැදියේ ගමන්කරමින් සිටි පොලිස් නිලධාරියෙක් මියගොස් ඇත.
අම්බලන්තොට පොලිස් ස්ථානයට අනුයුක්තව සේවයේ නිරතව සිටි අවුරුදු 45ක් වයසැති පොලිස් නිලධාරියෙක් මෙසේ මියගොස් ඇති බව හුංගම පොලිසිය සදහන් කළේය.
පොලිස් සැරයන්වරයා රාජකාරි විවේකය වාර්තාකර සිය පුද්ගලික යතුරුපැදියෙන් ගමන් කරමින් සිටියදී මෙම අනතුර සිදුව ඇත්තේ යතුරුපැදිය පිටුපසින් කැබ් රථය ගැටීමෙන් බව පොලිසිය සදහන් කරයි.
මෙම අනතුර සම්බන්ධයෙන් සැකපිට කැබ් රථයේ රියදුරු අත්අඩංගුවට ගෙන ඇත. වයස අවුරුදු 44ක් වන ඔහු රන්නේ පදිංචි කොන්ත්‍රාත් ව්‍යාපාරිකයෙක් බව පොලිසිය සහන් කළේය.