පිදුරුතලාගල කන්ද මුදුනෙහි පිහිටි යුද හමුදා කඳවුරේ ඉදිකිරීම් කටයුතු සඳහා වැලි ප්‍රවාහනය කරමින් තිබුණු ට්‍රක් රථයක් කඳවුර තුළදී තිරිංග අක්‍රියවී කණ්ඩියක ගැටී සිදුවූ අනතුරකින් යුද හමුදා සාමාජිකයන් 08 දෙනෙක් තුවාල ලබා ඇත.
මෙම අනතුර පසුගිය 26 වෙනිදා සවස් කාලයේදී සිදුව ඇති බවත් තුවාල ලැබූ සෙබලුන් ප්‍රතිකාර සඳහා නුවරඑළිය රෝහලට ඇතුලත්කර ඇති බවත් නුවරඑළිය පොලීසිය සඳහන් කළේය.
ට්‍රක් රථය පිටුපසට ගැනීමේදී තිරිංග අක්‍රිය වී මෙම අනතුර සිදුව ඇත්තේ හමුදා කඳවුරු ආපන ශාලාව අසල මාර්ගයේදී බව නුවරඑළිය පොලීසිය සඳහන් කළේය.